કચ્છના સયારા વન કવચમાં દેશના પ્રથમ 'GIB સોફ્ટ રિલીઝ સેન્ટર' નું ઉદ્ઘાટન અને મિયાવાકી વનીકરણ

કેન્દ્રીય પર્યાવરણ, વન અને આબોહવા પરિવર્તન મંત્રી શ્રી ભૂપેન્દ્ર યાદવ અને ગુજરાતના વન एवं પર્યાવરણ મંત્રી શ્રી અર્જુનભાઈ મોઢવાડિયાએ કચ્છ જિલ્લાના નલિયા ખાતે ઘોરાડ (Great Indian Bustard - GIB) પ્રાકૃતિક આવાસ કેન્દ્રની મુલાકાત લીધી હતી. આ મુલાકાત દરમિયાન તેમણે સયારા વન કવચમાં 'ગ્રેટ ઇન્ડિયન બસ્ટર્ડ સોફ્ટ રિલીઝ સેન્ટર' નું સત્તાવાર ઉદ્ઘાટન કર્યું હતું. આ કેન્દ્ર સંવર્ધન કરાયેલા ઘોરાડ પક્ષીઓને કુદરતી વાતાવરણમાં અનુકૂલન સાધવા માટે મહત્વનું સાબિત થશે.

💡 પરીક્ષા ઉપયોગી મુખ્ય તથ્યો (Key Exam Facts - GPSC / Class 3 ખાસ):

• સ્થળ: નલિયા અને સયારા (કચ્છ જિલ્લો, ગુજરાત).

• પ્રોજેક્ટ: GIB Soft Release Centre (સયારા વન કવચ).

• સયારા વન કવચ વિસ્તાર: ૯.૪૬ ચોરસ કિલોમીટર વિસ્તાર.

• વનીકરણ પદ્ધતિ: મિયાવાકી પદ્ધતિ (Miyawaki Method) – જાપાનીઝ વનસ્પતિશાસ્ત્રી અકીરા મિયાવાકી દ્વારા વિકસિત તકનીક, જેનાથી ઓછા સમય અને મર્યાદિત જગ્યામાં ૨૦ થી ૩૦ ગણું ગાઢ અને સ્થાનિક પ્રજાતિઓનું બહુસ્તરીય જંગલ તૈયાર થાય છે.

• અન્ય પહેલો: સયારામાં 'હરિયાળું ગ્રામ' હેઠળ મધમાખી પાલન (Bee-keeping) યુનિટ અને જખૌ (Jakhau) મેન્ગ્રોવ નર્સરી ખાતે BSF ના ૫૦ જવાનો સાથે મેન્ગ્રોવ વૃક્ષારોપણ.