હિઝ હાઇનેસ પ્રિન્સ રહીમ આગા ખાન V ની રાષ્ટ્રપતિ દ્રૌપદી મુર્મુ સાથે રાષ્ટ્રપતિ ભવનમાં મુલાકાત

આગા ખાન તરીકે પદભાર સંભાળ્યા બાદ પ્રથમ સત્તાવાર ભારત મુલાકાતે આવેલા હિઝ હાઇનેસ પ્રિન્સ રહીમ આગા ખાન V (Prince Rahim Aga Khan V) એ રાષ્ટ્રપતિ ભવન ખાતે ભારતના રાષ્ટ્રપતિ શ્રીમતી દ્રૌપદી મુર્મુ સાથે મુલાકાત કરી હતી. રાષ્ટ્રપતિએ આગા ખાન ડેવલપમેન્ટ નેટવર્ક (AKDN) દ્વારા ભારતમાં ચાલતા જળ વ્યવસ્થાપન, શિક્ષણ, મહિલા સશક્તિકરણ અને ગ્રામીણ વિકાસ પ્રોજેક્ટ્સની સરાહના કરી હતી.

💡 પરીક્ષા ઉપયોગી મુખ્ય તથ્યો (Key Exam Facts):

• વ્યક્તિત્વ: પ્રિન્સ રહીમ આગા ખાન V (શિયા ઇસ્માઇલી મુસ્લિમ સમુદાયના ૫૦મા ઇમામ).

• સંસ્થા: Aga Khan Development Network (AKDN).

• પીપીપી મોડેલ: બિન-નફાકારક સંગઠનો અને સરકાર વચ્ચેની ભાગીદારી દ્વારા જીવનની ગુણવત્તા સુધારવાનું ઉત્કૃષ્ટ ઉદાહરણ.

• ગુજરાત સંદર્ભ (GPSC ઉપયોગી): ગુજરાતના સૌરાષ્ટ્ર (જૂનાગઢ, ગીર સોમનાથ) અને દરિયાકાંઠાના વિસ્તારોમાં આગા ખાન ગ્રામીણ સહાયતા કાર્યક્રમ (AKRSP-India) દ્વારા ખારાશ નિયંત્રણ, ડ્રીપ ઇરીગેશન, રૂફટોપ રેઇનવોટર હાર્વેસ્ટિંગ અને મહિલા સ્વસહાય જૂથો (SHGs) ક્ષેત્રે દાયકાઓથી અગ્રણી કામગીરી કરવામાં આવી રહી છે.